Mushuk llamkayñantaka 9/100 shutichishka, chaywanmi 9 hunu runakuman 100 punchapi vacunankapak paktay kan. Ima pachakunapi, 31 aymuray killamanta 2021 watapi, chusku ruraykuna kallariy kuski killakama.
Ximena Garzón, Ministerio de Saludpa pushakka nirka: vacunakunawanka ama wañuykuna tiyachun, hampi wasikuna ama yapa hunta kachun, shinallatak hampikkunata ama unkushka kachun shinallatak tukuykunaman vacunashpami tukuy paskayta usharinka, kulkikamaypash tiyachun.
9/100 vacunankapakka chusku ruraykuna tiyan: kallariy ruray , 65 watayuk runakunapak, chaytaka 31 aymuray killamanta 15 raymi killakama. Kay ruraypika 50 watayukmanta 64 watakama ima unkuy charikpi, llaki unkuykuna charikpipash; hapikkunapak,llamkakkunamanpash.
Ishkayniki rurayka: 15 raymi killamanta 15 sitwa killakama 50 watayukkuna, 64 watakama shinallatak 16 – 49 watayukkunapash ima unkuykuna charikkuna, shinallatak wakin mutsurishka llamkaykunapi kakpi.
Kimsaniki rurayka: 15 (julio) sitwa killamanta 30 (agosto) karway killakama shinallatak 16 watamanta 49 watakamanmi vacunanka.
Chuskuniki rurayka: 1 (septiembre) kuski killamanta 5 kuski killakama wakin kipayashkakunapak kan. . Llamkayñan asha alliyachinkarakmi vacunakuna tiyakpika.
Hampiwasikunaka pusakmanta pichkakama paskashka kan, nirka Garzón.Shinallatak, 171 yupaykunapash paskashka kan ima tapuykuna tiyakpika.
CNE kamaywasimanta, Enrique Pita nirka 13 runakunami CNEpi killkarishka kan, chaypimi rikuchikun maypi vacunata chaskita ushan.
Kay pankapimi rikuyta ushan maypi, ima punchapi vacunata chaskita ushan: https://lugarvacunacion.cne.gob.ec/ hunkay hunkaymi willachinka. Shinapash mana chaypi killkarishka kakpika kaymanmi yaykuna kan: registrovacunación.cne.gob.ec tukuy mañashkata killkana.
CNE kamaywasipa katik pushakka, pankakuna mushukyachishpa rinka runakuna vacuna kuskaman richun, nirka.
Guillermo Lasso, Ecuadorpa pushakka, vacuna kuskakunaka 300 kanka, shinallatak 900 tantanakushka hampikuna.
