Fiscalíaka chayta mana nishkachu
Martha Yambay paypa katuna kuskata hatariypimi chinkachirka. Tarqui ñanpimi paypa llamkana kuska karka.
Yallishka kullka punchapimi karka, 11 puncha hatariy kakpi. Martha Yambayka
Paypa katuna kuskata chinkachirka. Chayta rikushpami wakinkuna yanapankapak rikurirka. Facebook pankapi shuk rikchata yallichinakun. Chaypika Martha Yambaypa katuna kuskataka chapakkunami wakllichishka Fiscalía nishka nin. Chay willayka llullami kan. Ecuador Chequea Fiscalíawan rimarka, chayka mana chayta nishkachu kutichishka.
Marthaka wakin tapukutichikunapi Tarqui ñanpi 35 wata yalli chaypi llamkan nirka. Yambayka kimsa wawayuk kan shinallatak Quito chinchay kuskapi kawsan.
Shuk katuna kuskakunapash wakllichishkakuna nirka. Punta kimsa wata yallishkapipash wayru killapi 2019 watapi hatariy tiyakpi shuwakpimi chinkachishka, mana kunan wata shina chinkachishkachu. Quitomanta Empresa Pública Metropolitana de Movilidad y Obras Públicas imashina hatiypi shina wakllichishkamanta willachirka.
Payka Teleamazonasman shuk tapuykutichipi 2019 watapi imashina kullkita mañashpa paypa katuna kuskata katarishkamanta willachirka. Kay tukuri watakunapi llamkashkamantami chay kullkita mañachishkata tikrachishka nirka. Marthapa llakimanta Mamallaktapa pushak, Guillermo Lasso uyarka, chaymantami Martha paypa ushiwan Carondeletman kimirirka, chaypika Lasso nirkami “katuna kuskata tukuywan kutun charikrinmi”.
Shinallatak yanuna ukupakpash charikrinmi, chaywanmi paypa llamkayta kallarikrinmi, ashtawanpash wakin yanapaykuna nirka.
