Ecuadorka 18 runakunatami charin, INEC yupaykunata llukchishkamanta
Chay yupaykunataka kayna puncha riksichirka. Ecuadormanta Guayas, Pichincha shinallatak Manabí markakunapimi ashtawan runakuna tiyan. Kay watapimi mashna runakuna tiyakta yachankapak taripanka.
Ecuadorpika, 2010 watapi chay taripayta rurarirka. Chay taripayka 10 watapimi rurana kan, 2020 watapimi rurana karka. Shinapash, Covid-19 unkuypachapi kashkamantami 2022 watapakmi sakirirka.
Twitter pankapi INEC kamaywasika Ecuadorpi 18 hunu runakuna tiyanmi nishka nin. Shinapash chay rikchapika kay wata taripayta rurarinka ashtawan yachankapak nin. Chay willayka shinami kan.
“Kunanka Ecuadorpi 18 hunu runakuna kanchik”, INEC Twitter pankapi churarka. Shinallatak, taripaywanmi yacharinka: Ecuadorpi mashna runakuna kan, maypitak kawsan, imashinatak kawsan.
INEC pankapika 18.000.453 runakuna tiyakta rikuchin, chayka 10:43 pachapi.
El Comercio shinallatak Primicias willachi pankakunapash chay kimsa markakunapi ashtawan runakuna tiyan nirka: Guayas, 3’645.483, katipika Pichincha 2’576.287 runakunawan, shinallatak Manabí 1’369.780 runakunawan.
INEC taripaykunaka algoritmokunawanmi yupan. Shinallatak Registro Civilmanta yupaykunatapash punchan puncha chaskin, shinami wacharishkakunaman, wañushkakunaman yupaykuna, imashina Primicias willachirka.
