Kushikuykuna yarikunawan pakta zirma pachapi kayta ushan shinallatak Avatar kuyukshuyuwanmi chimpapurarka.
Facebook pankapimi Lenin Moreno punta pushakka Bil Gateswan shinallatak Elon Muskwan tantanakunpakmi munan metaverso nishkapi yanapankapak nishpami llukchirka. Chay willayka shinami kan.
Shuk tapuykutichipi ABC Paraguaypika, Moreno nirkami: “Elon Musk, Teslamanta; Bill Gates, Microsoftmanta, tantanakunkapak munani, metaverso ( internet katik ruray) llamkayruraypi, zirma pachapi shinallatak shuyukunapi takiritapash usharichun”.
Runakuna avatar charikkuna yarikuna shinallatak kushikuykuna pakta kachun metaverso sakinka nirka Moreno.
Mamallaktapa punta pushakka metaverso wiñachichunmi yanapankapak munan nirka, shinami Metro willachi pankapi llukchirka. “Metaversowanka runakuna avatar charikkuna ushanka – imashina kuyukshuyupi rikuchin discapacidad charik runakuna shuk ukupi kakpi avatar charikpika runakuna shina kayta ushanmi – yarikunata shinallatak kushikuykunapash pakta kayta ushan”, nirka.
Morenoka Paraguaypimi kan OEA tantanakuypi discapacidad charik runakunamanta llamkakun. Mamallaktapa punta pushakka, Estados Unidosman metaversota winachinkapak rinkami nirka.
Metaversoka imatatak kan
Infobae nirkami metaversoka ashtawanka shamuna pachapi yuyarishka kan, runakuna zirmapachapi kawsachun shinallatak chaypipash kuyurita ushachin shinallatak shukkunawanpash pakta kachun.
Metaversoka zirma kuska (lugar digital) shinallatak kimsa pachakuna kan, chaywanka ashtawan Mirachishka Pacha shinallatak Zirma Pacha kan.
