Pushakka wawakunata vacunankapakka mana arinirkachu, shinapash vacunakuna wawakunapi unkuyta harkankapak alli kakta rikuchishka.
Tik tok pankapi shuk kuyukshuyuta yallichinakun, Andrés Manuel López Obrador, México pushakta rikurin chaypimi nin wawakunata mana Covid-19 unkuypak vacunakrinchu, paypa yachayukkunaka, mana mutsurinchu nishka. Chayka shinami kan. Shinapash wakin mamallaktakunapi Ecuador shinaka, 5 wata charik wawakunaman ñami vacunanakun, vacuna alli kakta rikuchishkami.
Mexicomanta Forbes pankapika López Obrador nirka mutsurikpika rurana mana kashpaka hampi rurakkunata katina. “mana chaypi kashpaka, hampi rurak nishakakunaka: kimsa niki vacunata churarina, chusku vacuna, wawakunata vacunana nin. Taripaykunata rikuna mutsurishkachu kan, imashina imatapash rantina kakpi kana, mana tukuyta rantinallachu”, mexicopa pusak nirka.
Manuel Lopez Obrador panakapika nikun shuk hunu wawakunaman vacunamanta shinallatak 18 watayukkunata charikkunatapash vacunankapak nin Covid-19 unkuyta harkankapak.
Ecuadorpika 11 wata charikkunaman shinallatak 5 watakaman vacunanakun. Esteban Ortiz, hampik nirka llaki unkuypachaka wawakunaman shinallatak rukukunamanpash llakichin. Shinallatak, wawakunapi 0 shinallatak 14 watayukkunapika asha unkushkakuna. “Vacunaka mutsurishkami kan 18 watamanta urayman. Wawakunaman vacunankapak ashtawan alli kan ama llaki apankapak”, hampik nirka shuk rimanakuypi.
“Vacunakunaka runakunaman yanapanmi hampinawasiman unkushpaka mana richun harkanmi, unkushpa ama katichun harkan “Greta Muñoz, Vaca Ortiz hampinawasimanta hampik nirka. Ecuadormanta wawakunapa hampikkunapak pushak, Fernando Aguinaga, shuk wata charik wawakunaka paypa kimiriyakuna vacunarikpilla kaman. Shinallami wawakunataka kamarinka.
OMS shinallatak OPS tantanakuykunaka vacunakunawan wañuyta harkankapak kan, shinallatak unkushpapash ama hampinawasiman richun harkan, shina unkuy ama yallichichun harkan nirkakuna.
