Izaka rimanakuypika shuk pushkakunawanmi rimakurka
Ecuador Chequea Leonidas Izaman shuk rikchata llukchirka, chayka rimanakuypi shuk samana pacha tiyakpi karka.
Mamallaktapa pushak shinallatak Conaiepa pushakka wakin pachakuna rimanakuyta charirka, chayka Guillermo Lasso manarak rimanakuypak harkarikpi karka. Shushufindipi makanakuykuna tiyashka, chaypimi shuk awkak wañushka, shinallatak wakin chapakkunaka chukrishkakuna llukshishka chay kipa mamallaktapa pushakka rimanakuypak mana nirka. Chay willaywanmi Facebook pankapika Iza rimanakuypi kashpa Rafael Correata kayachirka nishpa llukchirka. Iza shuk pushakkunawan rimankukta Ecuador Chequea rikurka.
Chunka pichka puncha yalli Conaiepa hatariy katinmi, Mamallaktapa pushakwan Quitopi, Basilica apunchik wasipi rimankapak nirka. Tukuy mamallakta runakuna rimanakuyta shuyanakurka. Mamallaktapamanta pushakpa shutipika Francisco Jiménez karka.
Rimanakuyka sukta saylla yalli pararka shinallatak Conaieka chunka aktaykunata paktachinkapakcha rikurirka. Kayna, tukuri punchapi, shinapash, rimanakuypi arininkapak shina rikurirka, shinapash rimanakuy mana tiyarkachu. Mamallaktapa pushakka Izawanka rimakunkapak mana nirkachu.
Izapa rikchaka Ecuador Chequeami llukchirka. Ecuador Chequeami awaki puncha tutapi chay rimanakuypi willaykunata llukchishpa karka. Shuk tuitpi pushakkunawan rimakunmi nishpa llukchrikanchik. Chayka rimanakuypi 20 chiniku samankapak pacha tiyakpi karka. Correawan mana rimakurkachu. Shinapash, chay llulla eillaypika Ecuador Chequeapa shina Infobaepa rikchakunata hapishka.
