Chay kitipi ashtawan kunukchiriy 3,8 °C kashka. Shinapash, punasuyupi ashtawan chiri kashka.
13 karway killapi, Inamhi willachirka punasuyu ashtawan chiri kashkamanta. Latacungapika -3,8°Ckamanmi chayashka. 23 karway killapi tutamantapika -2,6°C chayashka.
Facebook pankapika shuk rikchata yallichinakun Latacungapika 0° kunukchiriy kan, shinami Inamhi willachirka nishpa. Chay willayka shinami kan.
Punasuyupi shinallatak Antisuyupi chiri kanka nishpa Inamhi willachirka, chayka 27 karway killakama shina kanka. Shuk willaypika chiri, chakishka wayra shamukpimi shina chiri pachakuna tiyan.
Tukuy punasuyu llaktakunapika, 23 shinallatak 25 karway killapi shina chirilla kanka nirka.
Yuyaykuna
- Kunuklla yakuta upiyana
- Mishki murukunata shinallatak vitamina C charikkunata mikuna
- Ashtawan yakuta upiyana
- Kunuklla kuskamanta llukshishpaka shimita, sinkata killparina
- Ashtawan hatanata wawakunapak churana shinallatak rukukunamanpash.
