María Bernalta wañuchishkaka mana shinalla sakirinkachu mamallaktapa pushak nirka
Kamachikka Chapakkunapa yachanawasiman yaykushka kipami chinkarirka. Wañuchishkamantaka, Lasso chapakkunapa pushakkunata shuk pushakkunata churarka.
María Belén Bernal chinkarishkamantami shinallatak kipaka wañuchishkamanta yacharikpimi wakin umachinkapak willaykunata llukchinakun. Nishpalla, shuk willaypika Guillermo Lasso niska nin: “María Belén Bernal wañushkamanta mana sakishachu. Ukkuta ñami tarirkanchik, imatatak ashawan munan”. Chayka llullami kan.
21 kuski killapi, Twitter pankapi Guillermo Lasso willachirka María Belen Bernalmanta, payka 11 punchakuna chinkarishka karka, kipaka Escuela Superior de Policiaman yaykushkamanta yacharirka.
23 kuski killapi, Lasso shuk willachipika “tukuykuna tantanakushka kanchik shinallatak María Belen Bernalmanta llakilla kanchik”. Mamallakta pushakka chapakunapa pushakkunata ama katichunpash mañarka, kipa taripayta rurashpa katichun nirka.
Shinapash, Chapakunapa pushaktaka Germán Cáceres tarichunka shuk hunakayta kurka. Cáceresmi María Belén Bernal wañuchishka nishpa. Chay kipaka Patricio Carrillo pushaktapash pushak kashkamanta anchuchirka.
Mamallaktapa pushakka warmikunata ama llakichun harkankapak llamkanka shinallatak hayñikunapak tukuy mutsurishkata churanka nirka.
24 kuski killapi, Juan Zapata pushak kachunmi shutichirka Guillermo Lasso “tukuyta alliyachinkapakmi mutsurin”, nirka.
Kay tutamantapika Juan Zapata pushak shutichishkaka, María Belén Bernalmanta mana shinalla sakirinkachu, maykankuna llakichishkakunaka hayñikunata nishkawanmi huchachinka nirka.
Mana ima killkarishka tiyanchu, shinallatak Lassopa pankakunapipash mana ima rikurinchu.
