Pushak tukuchunka tukuykunamanta llamkachunmi sakinata mutsurin Lasso nirka
Correawan wakin kamachikuna rurashkakunami katinakun, chaymantami kay pushakta ruraykunata harkan. Pushak, Guillermo Lasso, Diario Expresowan rimarka chaypimi nirka: “Ñukapa paktayka Correístakuna ama tikramuchunmi kan”. Chay willayka shinami kan, Lasso chayta nirkami shinallatak Expreso pankapipash llukchirka.
Pushakpa rimaypika, wakin uchilla kamachikuna Correawan rurashkakuna kay pushak ruraykunata kullki apamunamanta kamachi harkanmi; chaymanta Lasso nirka: “Tukuykunapa ñawpapimi nipani. Ñukapa paktayka Correístakuna ama tikramuchunmi kan. Maykan tukuykunamanta rikuchun pushak tukuna, maykan kishpirimanta, willachiykunamanta shinallatak mushuk llakaymanta yuyachun. Chayta paktarichun”
Chay rimaypillatakmi Social Critianos tantantakuyka correístakunawwanmi kan shinami Expresoman Lasso nirka: “León Febres -Cordero llakiyanman Social Cristiano shina tantanakushpa rikushpaka”.
Kaymanta, PSC tantanakuyka “PSC correístakunawan kan killanayay shinallatak llulla nishkata sakichun” Lassota kutichirka.
“León Febre -Cordero kikinwan tantankushkamantami llakiyanman karka. Chayka Correístakuna ama mishachunllami akllaykunapi mishankapak rurarkanchik”, shinami willaypi nikun.
