11 inti punchamanta shuk kuyukshuyuta yallichinakun, Cuba mamallaktapi hatariykuna omunismomanta tiyan, Fidel Castrowan 1959 watapi kallarirka shinallatak kunanka Diaz-Canel pushakun 62 wata kipa. Chaytami, wakin runakuna Facebook pankapi tawka runakunawan kuyukshuyuta yallichinakurka Cuba mamallaktapi kan nishpa. Chay kuyukshuyuka mana Cubamanta kanchu, Argentinapi rumpa pukllaypi Copa America nishkapimi llukchishka.
Chay llukchishkaka ñapashmi yallichinakurka, 9 waranka runakunami kuyukshuyutaka rikushka, shinpash chay kuyukshuyupi rikurinmi 9 de julio ñan shinallatak Buenos Airesmanta El Obelisco yurak, ankash michakunawan, chay tullpukunaka Argentinamantami kan.
Chay kuyukshuyuka 2021 watapi, 10 sitwa killapimi rurashka, chay punchapimi Argentina Copa América misharka Brasilta, shinapash 2020 watapimi pukllana karka pandemiamantami mana rurarka.
