Aymuray killa tukuripimi, Síndrome Inflamatorio Multusistemicomanta Ministerio de Salud shuk willachita llukchirka. Wawakunapi, wamprakunapi chay unkuy wiñarikun nishpa (19 wata urayman charikkunapi) síntomas «kawasaki unkuy» nishka. Kay unkuyka punkichin, pukayachin, Ruparikunkuytapash kun, Kunka nanaypash.
Shinapash OMS, Inglaterramanta Servicio de Salud ña Puntalla Willachirka wakin wawakunapika covidmantapash punkirita ushanmi, Kawsaki unkuyshina kan. Internetpi shuk rikchata yallichinakun nishpa «Guayaquilpi 5 Wawakuna kawasaki unkuywan wañushka, Covid-19wanpash, 300 unkushkauna tiyan» chayka llullami kan. Manarak taripay tiyanchu chay ishkay unkuymanta. Chay 5 wawakunaka covid-19wanmi wañushka, mana kawasaki unkuywan wañushkachu.
Ecuador mamallaktapika, 30 aymuray killapi 410 wawakuna, wamprakunapash covid-19wan unkushkakuna (llullukuna shinallatak 19 wata urayman charikkunapash). Guayaspi unkushkakunaka : 30,73%(126) tukuymanta, katipi Pichincha 21,46% (88) shinallatak El Oro 6.83 % (28). 15 Raymi killakamanka, Ecuadormanta Ministerio de Salud chay Síndrome Inlfamatorio Multisistémicomanta mana ima willayta llukchishkachu.
Shinapash Los Ríos, Manabípi unkushkauna tiyanmi. Roberto Gilbert hampinawasi, Guayaquilpi 23 wawakuna kay unkuywan rikurin kay aymuraymanta, raymi killakaman. Chay hampinawasimi wakin tantanakuy willaykunapi willachirka. 190 wawakunata mushuk coronavirus charikshina kashkata. Chaykunamantami, 102 covid-19wan. 5 wañushka. Puerto Principalpi, Francisco de Icaza Bustamante, 160 wawakuna hanpinawan katishka covid-19 unkuywan shina kakpi. Kunanka, Síndrome Inflamatorio Multisistémico wawakunapi ashtawan rikurin 5 wata charikkunapi.
Kawasaki unkuyka 1967 watakunapi yacharirka, shuk pediatra wawakunatakrikuk japonés yacharka. Shinapash, payka 11 Raymi killapi ña wañushka. Kay unkuyka 6 killa charikkunaman, 5 wata charikkunamanpash kun. Ruparikunkuy, punkichin, pukayachin, shuktak unkuy kan. Ama unkunkapakka covid-19 unkuyta harkak shina kan: Makita mayllarina, karu karulla kana. Hampina wasikuna yachan imashinatak rurana SIM unkuymanta yachankapak, shinapash kay pachapika ashtawan kay llaki unkuyta rikunakun. Chay rikchapillatak, yachakuykuna kay killapi kallarinka nin, shinapash katik pushak Otto Sonnenholzner yachakuykuna tiyachunka rikunarakmi kanchik, nirka.
