Conaiepa pushakka mamallaktapa pushakman rimarirkami shinallatak hatariy rurankapak kayachinmi
Wacha punchapi Cayambepi kashpami chayta nirka. Shinallatak Ecuador Chequeamanka kay Chaska punchatami yacharinka nirka.
Shamuk wamra punchatami, Guillermo Lassoka shuk wata pushak kashpa paktakun. Conaiepa pushak, Leonidas Izami mamallaktapa pushakta rimarin. Chaymantami, Cayambepi 8 wata Guillermo Churuchumbi Municiopa psuhak kashkamanta ruraypimi Izaka hatariy rurankapak ñankunaman llukshinamanta rimarka. Chay willayka shinami kan, shinapash mana ima pachakunapi llukshinamanta nirkachu.
Chay rimayka kullkikamaymanta rimakushpami llukshirka, chayka mana tukuy tantanakuykunaman, tarpukkunaman, runallaktakunamanpash mana yanapashkachu nirka.
https://www.facebook.com/radiointipacha/videos/750739579606719 Desde Min 28 Seg 10 Hasta Min 28 Seg 30
“Mamallakta imashinatak kan, kullkikamaypi, pushakmanta rikushpaka uraypimi kan. Chaymantami, tukuykunamana kayachipani akllaykunapi kana kanchik, shinallatak ñankunamanpash llukshishunchik Mamallaktapa ruraykunata mana shina shuyayta ushanchik, ama upalla sakirishunchik”, Iza nirka.
Ecuador Chequeamanka kay Chaska punchapimi Conaieka tantanakuyta charinka chaypimi ima pachata llukshinkapak sakirinka nirka Iza. “Kallari raymi killapi llukshirinka”, nirka Iza.
[/et_pb_text][/et_pb_column][/et_pb_row][/et_pb_section]
