Gustavo Petro pushak shutichikukpimi Lassotaka mana allikachishpa kaparishka
Runakuna mana allikachishkachu. Petro pushak shinallatak Lassowanka shuk yuyaykuna kan. Chaypi correístakuna Paola Pabón, Gabriela Rivadeneira, Virgilio Hernández shinallatak Andrés Arauzpash kashka.
Gustavo Petro kayna puncha Colombia mamallaktapa pushak tukurka. Paypa napaypika Guillermo Lasso, Ecuadorpa pushakta shutichirkami. Petro pushak Lassota shutichikpimi mana allikachishpa kaparikuna tiyarka.
Facebook pankapika Lasso pushakta Colompiapika mana allikachishpa kaparirka nin. Chay willayka shinami kan. Shuk kuyukshuyupi Colombimanta pushak Petroka Guillermo Lassota shutichin chaypimi runakunaka mana allikachishpa karin, shinami rikurin.
Mamallaktapa pushakka Petro pushak tukukuk ruraypimi karka. “Paktaykunamantami llamkashun tukuy tantanakushpa, tukuy runakunamantami rikushun”, shinami ecuadorpa pushak shuk tuitpi churarka.
Kallari rimaypika, Petroka tukuy mamallaktakunapa pushakkunata naparkami. Ecuadorpa pushakta shutita nikpimi runakunaka mana allikachishpa kaparirka.
Las 2 orillas willachiy tantanakuymi shuk killkaypi llukchirka “rikuchik antakuna mana rikuchishkata” Petro pushak rimakukpi. Chaypipash chaykunamanta nirkami. Wakin runakunami chayta rikushpaka rimarirkakuna; shukkunaka Petro runakuna kashkamanta shinallatak correístakuna chaypi kashkamanta kan nirkakuna, chaypika Paola Pabón, Virgilio Hernández, Gabriela Rivadeneira, Andrés Arauzpash chaypo kashka.
Gustavo Petro, Colombiapa mushuk pushak
Petromi kay 19 sitwa killapi Colombia mamallaktapa mushuk pushak tukurka, Rodolfo Hernándezta misharka. Petroka 2026 watakamami pushak kakrin. Kunan mushuk pushakka “runakunapa pushak” kan nirka, ashtawanka runakunamanta llamkanka, shinallatak 2016 watapi ama piñarikuna tiyachun aspishkata katichinkapak rikunka nirka.
