Chapakkunaka kayta tutamanta shuk tukyay tiyashka willachirka
Guayquilpi Cristo del Consuelo kuskapimi shuk tukyay tiyashka, 5 wañushkakuna tiyashka shinallatak 17 runakuna chukrishkakuna.
Kayna tuyamanta Cristo del Consuelopi shuk tukyay tiyashka. 5 wañushka shinallatak 17 chukrishkakuna sakirishka. Shinallatak 8 wasi wakllichishka. Chay llakiwanka antawakuna shinallatak michapash chay kuskapi wakllichishka.
Chay llaki kipami Mamallaktapa pushakka Zona8pika ama pipash kuyurichunmi churarka, chayka Guayaquik, Samborondón shinallatak Daulepi shina kan. Facebook pankapi shuk rikchata yallichinakun 8 saylla kipa mamallaktapa pushakka mana imatapash nishkachu nin. Chaypimi shuk chushak pankata churan, shinallatak mamallaktapa unanchakunata charin.
Chay willayka umachinkapakmi kan. Chapakkuna shinallatak ninawañuchikkunaka tutamantapi 2:00 pachapi kashka nirka. Lassopa tuitla 12 saylla kipa churarka 14:36 pachapi karka.
Chay tuitpika Lasso nin: “ shinakuna ecuadormanta runakunata llakichin. Maykanpash kakpi kamachiwanmi rikurinka shinallatak maykan ayllukuna llakipo urmashkakunaka mamallaktapa yanapayta charinkami”.
Shinapash, mamallaktapa pushakka chay llakimanta kutichirkami. Mamallaktamanta willachikurkami, Chapakkunapa Twitter pankamantami tutamantapi 4:47 willachirkami.
Kipaka, willachi tantanakuykunapi willachirka, Guayas marka pushak Lorenzo Calvas rimarka. Shinallatak Ministerio del Interiormantaka 10.000 kullkita kukrin maykanpash pitak llakichishkamanta willachikpika nirka.
