Vacunaka wañuyta harkanmi. Shinallatak unkurita usharinmi, ashtawanka vacunaka unkuy ama yapa sinchi kachun yanapan.
Twitter pankapika Gibraltar llaktapika, 99% runakunami vacunarishka ishkayniki vacunawan, ashtawanmi unkurinakun. Shinallatak, chay vacunakunaka mana yanpanchu nin. Chay willayka umachinkapakmi kan.
“Ashtawan unkushkakuna tiyanman runakuna mana vacuanrikpika. Vacunaka mana unkuyta anchuchinchu chayta yuyarina kan; ashtawanka ama yapa sinchi kachun harkan, shinallatak wañuykunata harkan. Nishpaka, wañuykuna mana yapa kan”, Ecaudor Chequeaman nirka Enrique Terán.
“Ashtawan vacunarishka charik mamallaktakuna, illanmi. Chayka, chay willay asha pantashka kanka”, nirka hampik. 18 sasi killapi 2021 watapi, EuropaSur willay tantanakuypika, Gibraltarpika, chay pachakamanka 59 unkushkakuna mirarishka nirka: wakinkunaka chaypi kawsakkuna wakinkunaka karumamallaktakunamanta, wampuk purikunapash. Shinapash, ninmi, tawkakuna mana vacunarishkakuna kan. 18 vacunarishkakuna unkurishka nin.
Unicef ninmi vacunarishka kashpapash mana unkurinata harkanchu shinallatak unkuyta yallichinatapash mana harkanchu. Chaymanta, vacunakunaka wañuyta harkankami. Vacunarishka kashpaka hampinawasikunapash unkushkakunawan mana huntarinkachu, shinallatak covid-19wan wañuykuna mana tawka kanchu, nin Mayo hampinawasi.
