Europapika 1935 watamanta sitwa killami ashtawan rupay kashka
Españapi shinallatak Franciapi kimsa yapa rupay tiyashka. Wakin mamallaktakunapika yaku illakunmi. Francia shinallatak Españapi yapa rupay tiyarka, chaymanta Europapika yaku chakirikunmi. Países Bajospika yaku chakirishkamantami willachirkakuna, chaymanta pushakkunaka yakunata kamachun mañarka. Météo-France nirkami: “Chillay punchaka tukuy mamallaktapi ashtawan rupaymi kanka”.
Facebook pankapika Franciapi shinallatak Españapi yapa rupay tiyan, Europapika yaku chakirikunmi nin. Chay willayka shinami kan.
Wakin willachi tantanakuykuna El Universo, Semana shinallatak Euronews willachishkami. Shinapash, yaku chakirikunmantaka pushakkuna kamachun mañarka, ashtawanka Lozere, Alto Rin shinallatak Alta Córcegamanta runakunata tuitpi churarka “shina katishpaka, pachakuna shuk tukushka, 25 punchakunapi mana yaku tiyankachu”.
Españapi chinchaysuyu markakunapika 40 chirikunukamanmi chayanka. Kay wanra punchaka Toledopika 43.3kamanmi karka.
Españamanta Eemet ukumanta, Ruben del Campoka, kimsa kutinmi yapa rupay kullka punchakama chayanka. “Kayaka chirikunu pachakunami shukman tikrakun”, nirka.
Tukuy Europapi shina llaki kan. Sitwa killami ashtawan chakishka karka, chayka 1935 watamantami Inglaterrapika ashtawan chakishka pacha kan, chaymanta kamarichun mutsurin.
Wakin yakumanta tantanakuykunaka, wakin harkaykunamantami willachirka, chayka hunu runakunamanmi llakichik mishki murukuna shinallatak wakin mikunakinapash chinkarishka. Rupashka shachakunapash tiyan. 24 sitwa killapika Suizapa Parque Nacionakmi ruparishka, waranka waranka hectariakunami ruparishka 36,4kama rupay kashka.
Rupaykunamantaka achkapachami rimarin shinapash asha ruraykuna tiyan. Yaku chakirikpi shinallatak yapa rurapay kakpipash kan, shinami franciamanta, Agnés Pannier-Runacher rimarka.
