Chayrak mushuk yupaykunapika 10 unkushka mamallaktapi tiyan
Yallishka hunkayika 7 unkuhskakunamanta willachirka. Kunanaka chunka kan, chaykunamantaka kimsa Santa Elenapi, Los Ríos shinallatak Azuaypi kan.
1970 watapimi chay unkuymanta yacharirk, Republica Democrática del Congopi, shuk wawa iskun watayuk karka. 2003 watapika, Africa kanchakunapi karka shinallatak Estados Unidospipash, imashina OMS tantanakuy nirka.
Redes socialespika, yallishka Chaska punchapi viruela unkuyka kanchis Ecuadorpi tiyan nin. Chay killkaypika Hampi kamaywasitami shutichin. Kanchis unkushkakuna karka. Mana achiklla kan, chay punchapika sukta karka shinapash kunan punchakamanka chunkakamanmi mirashka.
Hampi kamaywasimanta kullka punchapika kanchis unkushkakunamanta willachirka. Chayka Machalapimi 29 watayuk runami unkushka.
“Alli tukukunmi shinallatak rikunakunchik; suktapurataka rikunakunchikmi. Guayaspimi unkuyta yallichishka. Hampi Kamaywasimantaka chay unkuyta hapikpika rupari unkuy, shaykuy, vesículapash kun nin. Shinallatak, kamarishpa katichunmi mañan”, shuk willaypi nikun. Kimsa unkushkakunamantapash willachirka, chayka 10 unkushkaman chayan. Kimsa unkushkakunaka 20 shinallatak 49 watata charin, Santa Elena, Los ríos shinallatak Azuaypi kan.
“Paykunapa wasipi alli tukunakunmi shinallatak rikushpa katinakunchik. Shinallatak maykankuna paykuna kimiria kashkatapash rikunakunchik. Chunka unkushkakunamantaka shuk wañushka 8 karwa killapi, shuk unkuytapash charishka”, shinam Hampi kamaywasi nirka.
Kushillupak viruela unkuymantaka imashinatak kamarishun
CDC ukumantaka vacunakunami ashtawan mutsurishka kan kushillupa viruela unkuyta harkankapak nin.
Shinallatak, kushillupak viruela unkuyta hapikpika ima nanaykunata kukta willachina, shimi asha chukririshka rikurikpipash. Kay unkuytaka maykanpash yallichita ushan, kimiriya kakpi, samaymantapash nin.
