Kay watapika mana charik runakuna chusku patsakri urayman rishka
Shuk willaypika mana charik runakunamantaka raymi killamanta 2019 watawanmi chinpapuran. Chayka pantaypakmi kan.
Mana charik runakunaka kay watapika mana mirashkachu. Shuk pankapika Ecuadorpika ashtawan mana charik runakuna mirashka nin. Chay pankapillatakmi 2019 wataman shinallatak kay watawan rikuchikun. Shinapash chay nishkaka Guillermo Lasso pushak kakpi shina kan ninkapakmi llukchishka. Chay willayka llullami kan, kay tukuri watapika chusku patsakrimi urayman rishka.
Chay pankapika mana charikkunamantaka 2019 watamanta yupaytami churan, chayka manarak llaki unkuypachami karka, chaymanta mana shina chimpapurayta usharinchu.
Tukuri tapuykunapika, raymi killapi 2022 watapi, INEC kamaywasika, raymi killapika 25% mana charikkuna tiyan nirka; chayka kanchis patsakri urayman rishka 2021 watawan rikushpaka, chaypika 32,2% karka. Chayka 2020 watapika 33% patsakriman paktarka shuk wata puntapika 32,2% karka.
Chay kipaka, 2022 watapi raymi killapi 10,7% karka, yallishka watawanka chusku patsakri ashtawan urayman rishka. Chay yupaykunaka mana llaki unkuypacha puntalla 8.9% paktanchu.
Chay yupaykunata rikushpaka 10 runakunamanta shuk runami killapi 49,35 USD kullkiwan kawsan.
