Pushakmantaka ninmi, imapash ashtawan kullki kakpika Lasso-Alcivar ayllumi rikunka
Guillermo Lasso mamallaktapa pushakka, Xi Jinping pushakmanta kayachita chaskirka, chay kayachika 2022 kallari pukllaykuna kallarichinkapak kan, shinallatak chaypi TLCmanta rimankapash rikun.
Chaykunamantami, VocesMigrantesTv Facebook pankapi nikun Lasso paypa warmiwan chinaman rikun ecudorpa runakunapa kullkiwan. Chay willayka umachinkapakmi kan.
Chay rinaka shinami kan; shinallatak 338 decreto pankata llukchishpami Lasso paypa warmiwan, Lourdes Alcívarwan rikun.
Chay rinapika shuk pushakkunapash Juan Carlos Olguín, Julio José Prado; Kullkikamaywasimanta Simón Cueva; Hampi kamaywasimanta, Ximena Garzónpash kan.
Shinapash, chayman rinkapakka kaykunami kullkita churanakun: Chinamanta pushak, Ecuador mamallakta shinallatak Lasso-Alcívar ayllupash.
Shinami, Ecuador Chequeaman nirka:” Ecuador mamallaktamanta pushak Chinaman rinamantaka, chaypi kachun shinallatak mikunamntaka Chinami kukun. Imapash ashtawan kullki mutsurikpika Mamallaktapa pushak shinallatak paypa warmi kullkita churanka”.
Chayshuk pushakkunamantapash Chinallatakmi kullkita kunka, imapash ashtawan mutsurikpika, kamaywasikunamantami kullkita churanaka.
Shinallatak, Alcívarka wakin ruraykunapi, tantanakuykunapi Chinapi kanka.
Chay rikcha yallichinakuktaka Radio La Callemanta llukchishka, shinapash mana achiklla kanchu.
Chinamanta pushkami Lasso pushakta shuk kayachita 30 karwa killapi 2021 watapi rurarka, TLCmanta rimankapak. Lasso twitter pankapi churarka Xi Jinpingwan karu uyaripi rimashkamanta.
Tuve el honor de conversar con el Presidente de la República Popular China, Xi Jinping. Fue una llamada fructífera y constructiva. Seguiremos cooperando en vacunación, potenciaremos nuestra relación comercial y fortaleceremos la coordinación bilateral. 🇪🇨🇨🇳#JuntosLoLogramos
— Guillermo Lasso (@LassoGuillermo) August 30, 2021
Chay rimaymantaka Chinapash CGTNpi willachirka, chaypimi ishkay mamallaktakunami “yanaparinkapak arinishka” nirka.
Chinaman rinkapakka 10 pushakkunami kan, imashina decreto pankapi nikun. Chay rinaka, 31 kulla killapi karka.
Kamachipa 147 nikipi, 1nikipika Mamallaktapa pushakmi karu mamallaktakunawan yanapaykunata rikuna, chaytami Lasso Chinapi maskanka.
Art. 147.- Son atribuciones y deberes de la Presidenta o Presidente de la República, además de los que determine la ley:
- Cumplir y hacer cumplir la Constitución, las leyes, los tratados internacionales y las demás normas jurídicas dentro del ámbito de su competencia
Shinallatak, karu mamallaktakunapa ruraykunapika pushakka paypa warmiwan pakta rinkuna.
