Wakin willaykuna llukchinakun Jesús Fichamba Wañuska nishpa. Mana shina kanchu. Jesús Fichamba kunan pachapika covid-19 unkuywan, Guayaquil hampina wasipi kan.
Wakin llulla willaykuna tiyakpimi, paypa mashi Gustavo Pacheco shuk willayta llukchirka mana wañushka kanchu nishpa, shina llullaykunawan llakichinmi, nirka. Shinallatak nirka Fichambaka Guayquil hampina wasipimi kan.
Jesús Fichamba no ha fallecido, es una noticia falsa o rumor mal intencionado, la noticia falsa llega más rápido haciendo daño a la gente afectada. Jesús está entubado en el Hospital Teodoro Maldonado y solo necesita sus oraciones nada más. Digo nomás
— Gustavo Pacheco (@IIMAGustavo) April 15, 2021
Kay 17 puncha, ayriwa killapimi Pacheco willachirka chayshuk punchakunawan rikushpaka ashtawan alli tukukun, nirka. Shinallatak “tukuy alli kan. Hampikkunapash tukuy pachapimi rikunakun, tukuy unkushkakunaman kamanakun”, nirka Pacheco.
Kayna chishi, 19 ayriwa killapika, Pacheco nirka: “Jesúska kawsaymanta makanakushpa katikunmi. Shuk puncha alli, shuk puncha shinallatak. Paypa paruk 95% unkushka karka, kunanka 80% , mana ruparikunkuyta charinchu. Mana chay tubowan katita ushanchu tawpa punchakuna, kay kullka puncha (jueves) shuk traqueotomíata ruranka”, nin.
Llulla willayka facebookpimi churashka, wañushka nishpami 3.700 runakuna chay willayta yallichishka, shuk punchapika 235.100 runakuna chayta rikushka, kay 16 punchamanta, ayriwa killapi. Shinallatak wakin willachiy tantanakuykuna, runakunapash chay llulla willayta yallichirka, llakiyarishpami shina yallichishka.
1985 watapi, Otavalomanta takik, Jesús Fichamba shuk mishayta charirka, Ecuador shutipi Festival OTI, España mamallaktapi takishpa. Chaypimi “ La Pinta, La Niña y la santa María” takiwan ishkaynikipi mishaypi sakirirka.
