Llulla willaykuna llukchinakun covid unkuypa vacunakunamanta, chaymantami Ecuadorpi 25% runakunami vacunata churankapa mana rinakunchu. Shinapash vacunakunaka allimi kan, hampina kamaywasikunapa pushakkuna shinallatak yachayukkunapash shinallatakmi nishka.
Ministerio de Salud kamaywasika kimsa vacunatami churanakun nirka: Pfizer, Astrazeneca, shinallatak Sinovac. Chay kimsakunapimi ishkay kutintak vacunata churana, shinapash pachakunapika shuktak kan. Pfizer shinallatak Sinovac 21 punchapi; Astrazeneca 84 punchapi churana.
📣IMPORTANTE | ¿Cómo será la aplicación de la segunda dosis de la #VacunaCOVID19💉 ?
🗓️ Pfizer y Sinovac: 28 días después de la primera dosis.
🗓️ AstraZeneca: hasta 84 días después.
Se debe presentar el agendamiento por SMS📱del 1570 de @CNT_EC.
#PlanVacunarse pic.twitter.com/jg7RPNPrEg— Ministerio de Salud Pública 🇪🇨 (@Salud_Ec) May 13, 2021
Tukuy kallariy vacunata churashkakuna: 2.747.894
Tukuy ishkayniki vacuna churashkakuna: 1.343.132
Tukuy vacunashkakuna: 4.091.026
Ministerio de Salud kamaywasika “tukuy vacunakuna alli kan. Chayta churakpillami unkuyta harkayta usharinka, wañuykunapash ama tiyachun, shinami kullkikamaytapash hatarichinkapak”.
Ecuador mamallaktapak kamaywasika willachirka “kunan pachakamanka kaykunawanmi vacunata rantirishka: covax facility, Astrezeneca, Pfizer shinallatak Sinovac.
29 raymi killapi, shinallatak 3 sitwa killapika 2’108.810 vacunatami chaskina karka, 108.810 Pfizer shinallatak 2 hunu Sinovac (tukuy 6 hunu mañashkamanta)”, nirka MinSalud.
Shinallatak nirka pushakka China mamallaktawanpash ari nishka “ashtawan Sinovac vacunata apamunkapak, CanSino rurankapak mana paktakukpi”.
Ximena Garzón: “Kimsantin allimi kan”
Ximena Garzón, 29 raymi killapika chay kimsa vacunakunaka “allimi kan” nirka. Chyataka willachiy tantanakuy rimanakuypimi shina nirka.
Garzónka willachiy tantankuykunaman mañarka llulla willaykunata harkankapak “kaypi tukuy vacunakunami allikuna kan”.
Karumanta tantankuykunapash Garzon nishkataka katinmi. Unicef shuk taripay rurashkapi nirkami ñapash vacunakuna ruranakun shinallatak allimi kan, nirka.
Unicef chayta nin vacunakunata rurankapakka wakin ruraykunata katin paktachinkapak, shinallatak OMS tantanakuypash ari nikpimi kallarin.
