Facebook pankapi Covid-19 Delta unkuywan wañushkakuna toyan nirka. Shinallatak “MSP llamkayñanpika 4 runakuna covid-19 Delta unkuywan wañushka. 2 Guyaquilpi, shinallatak 2 Machalapi. Guayaquil wañushkakunaka Oro llaktamantami kachashka”. Mana shinapacha kanchu, kallaripika 15h00 pachapika 4 wanushka nirka, shuk saylla kipaka 5 wañushkakuna tiyan nirka.
13 sitwa killapi, Ministerio de Salud shuk willaypika pichka runakuna Covid-29 Delta unkuywan wañushka nirka. El Oro markamanta kimsa runakuna shinallatak Guayas markamanta ishkay. Kay tukuri markapi willachishkaka El Oromantami kashka nirka. Shinallatak willachirka chay wañushkkakunamantaka wakin unkuytapash charishkakuna.
12 sitwa killapi, Saludpa pushak, Ximena Garzón, Delta unkuymanta willachirkami. El Oro markapi 8 unkushkakuna shinallatak 2 Guyaspi. Pushakka: “10 unkushkakunapi unkuyta harkarikun” shinallatak rikuriya kanka chay markakunapi shinallatak chay kitillikunapipash nirka.
Hampik, Esteban Ortiz, willachirkami Gisaid tantanakuypi rurashkata, chay tantanakuyka unkuypa willaykunata llukchin. Chay willaypika Delta unkuy Ecuadorman kimsa punta killakunapillatak chayashka nirka. Unkushkakunaka ñami wakinkuna karka.
13 chishi punchapi, sitwa killapi, , willachiy tantanakuykuna wakin wañushkakunamanta willachirka, MSP mana willachirkachu.
Carlos Oporto, nirka “Ecuadorpi mana willachinakun”. Wañushkakunamantalla willachinakun, shinapash mana willachinakunchu vacunashkakunamanta chay Delta unkuyta charishkamanta. Salud kamaywasika, 40% chay unkuywan kashkakunami wañushka.
14 sitwa killapika, Ecuadorpa pushak, Guillermo Lasso estado de excepción Guayaquilpi, shinallatal El Oropipash nirka. Chayka 14 sitwa killamanta, 20H00 pachamanta, 23H59 chillay punchakama, 28 sitwa killakama nirka. Chay llaktakuna Delta unkuywan llakipi kakpi. Shinami vacunankapak ñapash rurankapak shinallatak Covid-19 unkuyta harkankapak.
