11 pawkar killapi Organización Mundial de la Salud (OMS), COVID-19 llaki unkuymanta willachirka. 5 puncha katipika, 16 punchapi Lenin Moreno, Ecuador mamallaktapa pushak kay llakimanta Decreto Ejecutivo 1017 llukchirka. Tukuy mamallaktakunapimi mana llukshina nishpa sakirikpimi wakin runakuna internetman yaykushkakuna, chaymantapash kay internetpika ashka llulla willaykunata yallichinakunkuna.
Coronavirus unkuypak wasipi rurashka hampikuna nishpami, ashtawan whatsapp nishkapi yallichinakun. Chaymanta wakinkuna tapurin. Kaykunatami ashtawan yallichinakun: “Yaku, kachiwan amullishpami virustaka wañuchirin” “Eucalipto yakuta rurashpa hampi kan”, “mentol sinkapi churashpa alli”. Shinapash, mana allli kanchu, ña shina rurashpa mana unkurinka yuyan, ñana wasipi sakirinkapak munankuna, ashtawan llakipi kan.
Chiriyallishka kakpika ari wasipi rurashka hampikuna allimi kan, shinapash kay COVID-19 unkuytaka mana hanpinchu.
Kay unkuymantaka manarak tukuy taripaykuna tiyanchu. OMS ayriwa (abril) killapi mana hampi tiyanchu, mana vacuna tiyanchu nirka, mana ima hampikuna kay mushuk coronavirus unkuypak tiyan; tukuy taripaypimi kan.
Ecuador mamallaktapi, ashtawan unkushka kakpika, wakin “antimalarios” (cloroquina, hidroxicloroquina malaria unkuypak hampikuna), antibióticos, anticuerpos monoclonales, antivirales, suero nishkawanpash unkushkakunata rikunakun. Shinapash, kaytaka kutin kutinta rikunakun taripaykunata katishpa.
Tukuy taripaykunawan shuk hampi tiyankakamanka shuk watami kanka. Shinapash, wasipi rurashka hampikuna ama upiyachun mana nikunchikchu, ashtawanka wasipi sakirishpa katina, nirka OMS. Katipi hampikunamanta wakin nishkakuna shinapash mana hampi kanchu:
