Argentinamanta El Clarin pankapimi nirka Bolivia mamallaktapi, Potosí llaktapi wakin uyarikuna quechua shimipi ashtawanka yallichinakun, chaypimi nin maykankuna vacunashka covidmantaka atuk runami tukunka. Chay uyarikunaka llullami kan.
Toribia Lero, , Efe Verificaman nishka “chaypimi shina uyarikunata yallichinakun warmikuna, karikuna willachishka shuk atuk runa tiyan nishpa. Wakinkunaka runakuna ña ishkay kutin vacunata chaskishkamanta shina tukunakun, nin. Shinapash mana shina lanchu”. Lero nirka.
Wakin willachiy tantanakuykuna El Comerciopash, llukchirka Bolivia mamallaktamanta Viceministro de Comunicación chay vacuna willaymantaka llullami kan nirka.
Chay rikchata maskashpaka Joseph-Rob Cobasky Facebook pankaman apan. Chaypimi shuk yawaryashka atuk rikurin. Cobaskyka estadosunidosmanta tullpuk kan. Shinapash, chay rikchata hapishpami vacunamanta llulla willaykunata yallichinakun.
Enrique Teran, hampinamanta yachayuk San Francisco Hatunyachanawasimantaka nirka, vacunamanta atuk runaman tikrankapakka mana kanchu “chay wiwakunaka mana tiyanchu”. Shinallatak, vacunakunaka mana imamanpash tikrachinchu.
OMS tantanakuyka, vacunakunaka hemutsurishkami covid-19 unkuyta harkankapak nin.
Terán nin “yuyarina kan, llulla willaykuna manchachinkapak kan” vacunakunaka tukuy watakunapimi unkuykunata harkankapak yanapashkami.
Christian Terán, Hampik, llulla willaykunaka ashtawan ñapash yallichin redes socialespi, “ecuadormanta runakunaka mana yachashka willaykunata, mana tapurishpallatak yallichinlla, ashtawanka rikchakunata rikushpa shinallatak riksishka mashikuna imatapash nikpi”, nirka Terán.
Hampikka nin willaykunataka yachashka willachiy tantanakuykunapi maskachun mana kashpaka mamallaktapa kamaywasikunapa pankakunapi, shinami yanaparinka ama llulla willaykunata vacunakunamanta yallichichun.
Kallariy covid-19 unkuypa vacuna churakpika ima nanaykuna tiyayta ushan
OMS ninmi vacunashka kipaka wakin nanaykuna tiyayta ushanmi, chayka shinallatakmi kan. Chay nanaykunaka: maypi tuksishkapi nanay tiyan, rupariy unkuy, shaykuy, uma nanay, chiri rupariy unkuy shinallatak yaku ishpapash.
“vacunashka kipaka, wakin runakunaka asha nanayta charinmi, nishpalla, Yawar yallinkapak mirarin shinallatak ukkupash ashtawan Kunuklla, chaymi unkuyta wañuchita ushan”, shina ni OMS.
Kay kamaywasimanta nishkamantaka asha nanaykuna rupariy unkuy, mana mancharinachu. “chaymi rikuchin imashinatak vacuna chayakun, chaymi unkuyta harkankapak kallarinka”, nin.
Pachamamapi vacunakuna wiñachinkapak kallarikpimi wakin llulla willaykunatapash wiñachishka vacunakunamanta. Enrique Terán nirkami “mana ashtawan alli vacuna tiyanchu ninkapak usharinchu, alli, mana alli vacuna tiyanchu mana nita usharinchu”.
