Shuk kuyukshuyu redes socialespi purichinakun “Pfizer punta pushak”Mack Yaedon shutiwan paymi nin vacunakunaka tawka runakunaman wañuchinkami. “kallariy vacunata churashpaka 0.8% runakuna ishkay hunakaypi wañun”. Shinallatak ukkutapash wakllichinmi. Chaymantami runakunata wañuchinkapakmi kan.
Chya willayka llullami kan. Yaedon mana Pfizer punta pushak kanchu, rurakamaypa yanapak karka. Ña 10 wata mana chaypi llamkanchu. Shinallatak, wakin paypa yuyaykunapash llaki unkuypacha kallarishkapillatak llulla kakta rikuchishka.
Chay kuyukshuyupika Omar Saiz, Colombiamanta pastor kan MCA apunchikwasimanta kan. 2020 watapi sitwa killapi Floridablanca apukchik wasipi shuwakun nishpa huchachishka karka, pay allpata rantinkapak mañashka Santanderpi shun apunchikwasita wiñachinkapak, shinapash kipaka paypa shutipillami churashka. Chay allpapika puñuna ukukunatami wiñachishka. Apunchikwasimantaka 350 hunu kullkitami tantachishka.
Paypa wakin rimanakuykunapika hampikkunaka kullkinkapakmi kan nishka. Shinallatak vacunakunaka ayakunatami charin “gen divino del ADN”anchuchinmi nishpa.
Chay kuyukshuyupika Pfizer punta pushak nishkata killkakatin “ñana pacha tiyanchu vacunashka runakunaman harkankapak”. Nin “Maykankuna mana chay wañunkapak churarishka kakpika kawsayta harkaychik. Tawka runakunamanmi wañuchinka. Ishkay hunakaypi 0.8% runakuna wañuchinka. Kawsakkunaka ishkay watatalla kawsankapak charin”.
Linkedin pankapika Michael Yaedon punta Pfizerpi llamkak kashka. Kipaka 2011 watapi paypa tantanakuyta wiñachishka. 2020 watapika, llaki unkuypachapika, payka vacunamanta shinallatak llaki unkuypachamantapash rimarikurka.
| Vacuna | Imashinatak harkan | Ama wañuykuna, hampina wasikunaman ama kachankapak | Ama unkurinkapak |
| Pfizer | 91% | 91,3% – 100% | 86% -90% |
| Astrazeneca | 75% | 74,20% | 52% |
| Sinovac | 50% | 65,3% – 91,3% | 43% |
Delta (B.1.617.2) unkuypapash Pfizer vacunaka allimi kan. Canadapika 78% kallariy vacunawan allimikan. Ishkayniki vacunawan Reino Unidopika 96% kan.
The New England Journal of Medicine kamaywasika, Reino Unidomanta llukchin Deltapaka 30,7% karka. Shinapash, ishkayniki Biontech vacunawanka 93,7% alli kan.
Centro para el Control y la Prevención de Enfermedades (CDC) kamaywasika Tukuy vacunakunami alli kakta willachin. Covid-19 unkuypak vacunamanta ima wañuykuna tiyashkachu nin. Shinallatak mana ima taripaykuna nikunchu ishkay watapi wañuykuna tiyanamantaka. FDA, MA, shinallatak OMS tantanakuykuna ari nishka kan. Kaykunaka tukuy taripaykunatami yallishka.
Michael Yaedon llulla willaykuna llukshishka : Reuno Unidopi llaki unkuy pacha tukurishka, vacuna mana mutsurishka kanchu, añawllawtupa taripayka llullanmi, Covid-19 unkuymanta wicharinaka mana imapipash yanapanchu, hampirurakkunaka mushuk unkuypa vacunaka mana paktankachu.
