Lenín Moreno, Ecuadormanta pushakka 2021 kallari watapimi ña vacunata charirita usharinka, chayka vacuna runakunapak alli kakpika usharinka, nirka. Kallaripika, 9 hunu runakunami vacunarinka nirka, kaytaka 23 sasi killapimi, shuk uyachik antapi “De Frente con el Presidente” nishkapimi shina, nirka.
Ecuador mamallaktaka wakin farmaceuticakunawanmi arinishkakunata charin, shinami vacuna charita ushanka Pfizarm Aztrazeneca, Covax Facilitym Johnson Johnson & Johnson, Novax y Moderna, kaykunami alli vacuna rurakuk shina rikurishka. “Vacunaka ña alli kakpimi
Juan Carlos Zevallos, nirka maykan vacunata mutsukpika kunkami shinapash mana tukuykuna charinkachu “30% runakunami unkushka, 22%- 23% Quitopi, 33% Guayaquilpi, 24% Manabi, 45% Esmeraldaspi. Kimsa runakunamanta shuk unkun, shinapash manarak yacharinchu vacunata mutsunkachu. Mutsurinkami” shinami nirka Zevallos. Vacunankapakka 6 killami kanka.
Hampikkunaka imatatak nin
San Francisco Hatunyachanawasimi #EnPrimeraLíneadelCovid rimanakuyta rurarka, yachayukkunami rimarka imashinatak vacuna ruraykuna katikun, shinallatak Ecuadorman ima pachapi chayanata.
Franklin Toapanta, virología hampik shinallatak Marylan hatunyachanawasimanta nirka vacuna alli kachunmi maskarikun “manarak 100% alli kayman chayanchu shinapash alli ñanpimi kanchik”, shinami nirka Toapanta. Tukuy vacuna rurankapakmi kimsa nikita yallina mana kashpaka chusku shinami alli kakta yacharin:
I niki: vacuna alli kakta yachankapak uchilla taripaykunata rurarin
II niki: ashtawan runakunapi taripayta rurarin chaypi rikuna unkuyta harkachun
III niki: ashtawan runakunapi taripayta mirachina Moderna shinallatak Pfizer 30.000 runakunapi taripayta rurasha.
Mónica Tarapuéz, farcología hampikka nin alli willay kan vacunakunata mamallaktamanta pushakkuna shina rurankapakka kakpika, shinapash taripaykuna tukurichunka wata tukurinkakamanmi kanka, nirka. Manarak nishka kanchu mashna pachapa vacuna paranka shinallatak masna wata charik runakunapi churarinkaa “vacuna tiyakpipash manarak punta kawsay shina kayta ushanchu mana yachanchik mashna pacha paranka. Unkuyta ashtawan riksinchik shinapash wakin tapuykuna llukshin”, nin.
Enrique Terán, farmacología yachayukpash nin “vacunaka wampralla runakunapi churayta usharin shinapash wawakunaman churankapak, rukukunaman, wiksayukkunaman, shuk unkuykunata charikkunamanka covid-19 charishkakunata manarak yacharinchu».
