Whatsapppimi yallichinakun shuk willay Vernon Coleman hapik shutita churashpa, chaymi nin Covid-19 vacunaka” tukuy runakunaman wañuchinkapakmi kan”. Chayka llullami kan. Vacunakunaka ashtawan ima unkuytapash harkankapakmi kan, chaywanmi sinchiyachin.
Organización Mundial de la Salud (OMS) covid-19 unkuypa vacunakunaka ima unkuymantapash kamanmi, ashtawan añawta SARS-Cov-2 harkashpa, chaywanmi ashtawan unkunkapak kallarikukta harkan. Runakuna vacunashka kakpika chay unkuyta harkan, shinami chay unkuyta ñana shukkunaman yallichita usharinka.
Vernon Coleman Inglaterramanta kan, 2016 watakamanmi Reino Unido mamallaktapi hampik shina llamkashka. Vernon Coleman shutiwanmi shuk panka tiyan, shinallatak shuk kuyukshuyu kay shutiwan “Covid-19 Vaccines Are Weapons of Mass Destruction – and Could Wipe out the Human Race” [covid-19 unkuypa vacunakunaka runakunaman wañuchinkapak ushankami].
Whatsapppi chay willayta yallichinakuktaka, canal7salta Argentinamanta pankapipash churashka, karumamallaktamanta willaykunapi, shina shutichishka “Vernon Coleman hampik nishkaka llakinayay kan shinallatak llakipash”.
Vernon hampik nishkakunaka mana tariypay rurashkamanta rimanchu, paypa nishkaka mana OIrganización Mundial de la salud nishkawan pakta kanchu.
