Ishkay hunkaypi Covid-19wan unkushkakuna mirarishkami
OMS tantanakyka Ómicron, Ba4 shinallatak BA.5 unkuykunami mushuk unkushkakunata wiñachikun. Mana kamarikpi shina mirarikun.
Hampimanta yachayukkunaka karu karulla kana, shimikillparinata churakuna, makita mayllarina shinallatak chay unkuypak vacunata curarina nirka.
Twitter pankapi OMS tantanakuyka 30% unkushkakuna mirashka kay tukuri hunkaykunapi nishka nin. Chay willayka shinami kan.
DW, La República de Colombia willachi pankakuna mushuk unkushkakuna tiyashkamanta nirkami. Yachayukkunaka ashtawanka Ómicron unkuymanta ashtawan 30% mirarishka nirka.
OMS tantanakuyka BA.4 shinallatak BA.5 Ómicron unkuykunami ashtawan unkushkakuna mirachishka. Tedros Adhanom Ghebreyesus, OMS tantanakuypa pushakka, taripaykuna wakin mamallaktakunapi urmashkamanta nirka. “Chaymanta covid-19 unkuy mashnatak mirakukta pakanmi”, nirka.
Covid-19 unkuymanta mirashka ashtawanka runakuna mana kamarikpi shinallatak chay unkuywan kawsanata yuyanakun. “Mana llaki unkuypacha tukurishka nita usharinchu”, Abdi Maha OMSmanta nirka shinallatak Covid-19 unkuyka kunankamanmi unkuchita ushanmi nirka.
Llakipi kak runakunaman ashtawan kamana, wichashka kushkakunapika shimi killparina churakuna shinallatak tawka runakuna tiyakpipash nin.
BBC willaypika BA.4 shinallatak BA.5 unkuykunaka ashtawanmi unkuyta yallichin, ashtawan ñapash yallichin nin. OMS tantanakuyka, raymi killapi BA.5 unkuyka 62 mamallaktapi rikurishka shinallatak BA.4ka 58 mamallatakunapi rikurishka.
