Tukuy pachamamapi 10 covid-19 mushuk unkuykuna tiyan, shinallatak Ecuadorpika sukta tiyan: Alpha, Delta, Gamma, Iona, Lambda shinalltak Delta. 11 kulla killapi 2021 watapimi Alpha unkuyta Los Riospi tarirka, shinapash kunanka 12 markakunapi chay unkuyka purikun. Gamma unkuyka Zamora Chinchipe markapimi 12 ayriwa killapi rikurirka, shuk killa kipaka 8 markakunapi mirarka. Iota unkuyka Guayas markapi rikurirka ayriwa killapi shinallatak 9 markakunapi mirarirka. 22 raymi killapika Lambda 5 markakunapi: El Oro, Galápagos, Guayas, Pichincha shinallatak Santo Domingo.
12 raymi killapi 2021 watapi, Saludpa pushak, Ximena Garzón willachirka Covid-19 Delta unkuywanka 10 tiyan. 8 unkushkakunaka El Oro markapi kan, 2 Guayas markapi nirka. “Delta unkuyta harkarikunmi, shinallatak wakin ruraykunata paktachikun”, nirka ministra.
Ecuador Chequea rimanakuypika mushuk unkuymanta wakin tapuykunata rurarirka. Mamallaktapi mushuk unkuyna purikukpika imatak tukun. Mushuk covid unkuyka imashinatak ukkupi kan.
Mushuk unkuykunatak imashinatak harkana
“añawkunaka tukuy pachami shuktak tukun (…) Shinallatakmi añawkunaka shinami tukuy añawkunawan kan”, nirka Marcelo Aguilar, hampik epidemiólogo.
Hampikka hamutana kan shuk shuk runakuna kakta “waranka waranka runakunami shuk shuktak kan, shinallatakmi wakin runakunapika chay unkuy sakirin”, nirka Aguilar.
SarsCov unkuy ashtawan runakuapi purikukpika ashtawanmi miranka shukkuna. Shinallatak, nirka unkuyta tukuykuna harkankapakka vacunallami ushan shinallatak ashtawan ñapash kana kan.
“Wañuykunataka vacunatallami harkayta ushan, shinami llaki unkuytapash harkanka, shinallatak ama ñapash unkuyta yallichichunpash usharinka.Vacunakunawanmi kamarita ushan”, nirka Marcelo Aguilar.
“maykan unkuypash purikukpi kunan, shinallatak shamuk pachakunapipash vacunakuna mutsurishka kan 70% runakunaman paktachishpa shinallatak runakuna ama unkunkapakpash kamarishpa katichun shimi killparinata churakushpa, karu karulla purinata, makita mayllarinapash”, nirka hampik.
