Chay rikchaka correokunamanta llukchishka, hatariy rurachun yanapashkaman kan nin. Shuk tantanakuymanta pushakka paypa cuenta shuwashka nishpa willachirka
Facebook pankapi shuk rikchapika Leonidas Iza, Conaiepa pushak nishka nin: “Ñukapash umaktukushkani , Rafael Correa hatariy rurachun yanapakushkata mana yachashkanchikchu”.
Chayka llulla kan. Iza mana chayta nishkachu. Conaie tantanakuypash chay llulla kan nishpa willachirka.
Redes socialespi wakin rikchakuna yallichinakurka “Yanapay” nishka, chaypika Apawki castro, Conaie tantanakuypa willachikmi Paola Pabónta, shinallatak Virgilio Hernándezman shuk willayta kachaska nishpa.
Chay pankunapika, 24 raymi killapi, Castro hatariyta rurankapak kullkita mañashka, 33.500 kullkita puntalla hapishka chaywanmi hatariyman pushkakuna llukshichun nishpa.
Wakin pachakuna kipaka, Castro paypa Twitter, correo pankakuna shuwashka nishpa willachirka, chayka 02:40 pachapi kashka willaykuna llukchishkaka mana pay rurashka kashkachu nishka. Pabón pushakpash chaykunamantaka llulla kakta nirka. Twitter pankapi nirka: “maykanpash chay llullakunata rurakunkunaka kay llaki pachapi wakllichinkapakmi munan”.
Virgilio Hernándezpa shinallatakmi nirka: “yanapankapak willaytaka mana chaskishkanichu”, shina nishpami paypa red socialpi churarka.
