Chinamanta hampikunata rikukkunami samay shina asashpa vacunata charichunmi arinirka
Chay vacunaka aerosolpimi kan sinkawan aysachun shinallatak ishkay kutin churarichunpash tiyan. Chinapika chay mamallaktapi rurashkakunatallami arininka.
Kunankamanka, CanSini vacuna alli kashka, OMS tantanakuypash alli hampi kakta nirka chaytaka 18 wata yallik charikkunapakmi kan.
Twitter pankapika chinamanta pushakkuna Covid-19 unkuypak vacuna saymayta aysakshinata arinishka. Chay vacunaka CanSino Biologicsmanta kan chaytami arinishka, mana tuksina kanchu. Kaytaka aerosolshina curarina sinkapi.
France25 shinallatak DW willachi tantanakuykunaka CanSino Biologics vacunami kan, kaytaka kallari vacuna kipa churarinkapakmi kan shinallatak Chinamanta hampimanta rikukkunapash arinishka. Shinami kay inti punchata Hong Kongman hampi rurak ukumanta willachirka. Kay vacunaka mana tuksinkapak kanchu, samayta aysak shinami kan. Shinami ashtawan hawalla allichinkapak kan. “Chay arinishkamantaka rurakamaypakka allipachami kan shinallatak kamaywasikunapak chayta rantikpika”, shinami shuk willaypi llukchirka.
Cubamanta yachayukkunaka, Canadá shinallatak Estados Unidos vacunakuna sinkapi churachun rurashpa katinakun. Chinaka Covid-19 unkuypak pusak vacunakunataka arinishka, 2000 watamanta, shinapash chay mamallaktapillatak rurashka kan mana shuk mamallaktamanta yaykunchu.
