Ecuadorpi Covid-19 unkuyta harkanakapakka mushuk ruraykunata paktachinakun, shinapash mushuk unkuy rikurinakukpipash
Facebook pankapi shuk willayta churarka 68 runakuna Ómicronwan unkushkakuna shinallatak 6 markapi rikurishka. Chay willayka shinami kan.
3 panchi killapi 2022 watapi Hampi kamaywasi shuk yupaykunata rikuchirka, Shinallatak, Guayas, Pichincha markakunapimi ashtawan unkushkakuna tiyan, 33 shinallatak 30. 68 runakuna Ómicronwan unkushkakunaka wasipi wicharishka katinakun shinallatak hampikuna rikuriya kan.
“Kay tukuri hunkaykuna, kay kamaywasi ashtawan unkushkakunta tiyashkata rikuchirka. Kayka tawka runakuna tantanakukpi shinallatak raymikunapi kashkakamanta kan”, shina willay nikun.
Imatak ruranakun
COE tantanakuyka tukuy mamallaktapi kamarishpa katichun arinishkakunata churarka. 4 punchamanta shinallatak 23 panchi killapi Llamkaypa kamaywasikuna ñami 50% runakunawan llamkay kuskakunaman tikray ushachun. Shinapash, kayka maykankuna ashtawan mutsurishka kamaywasikunapa kan shina yanapayta ushachun.
Mamallaktapa psuhakka, yachayka mutsurishka kan shinallatak shuk hayñi kan. Chaymanta, yachaywasikunapi yachakushpa katichunmi shuk llamkayrurayta arinishkata charin.
Tawka runakuna ama tiyachunmi 50%kama rurakamaykunapika arinishka kan. Shinallatak, Agencia Nacional de Tránsito (ANT) mañarka antawakunapi rikukkunaman vacunarishkata pankapi rikuchichun.
El Universo willachi pankapika COE tantanakuypa pushak, Juan Zapataka 250.000 llamkakkunami wasimanta llamkankapak tikranka nirka. Shinapash, kayka Hampi kamaywasipak, yachaypak shinallatak kamakkunakpash mana kanchu nirka.
