Vacunakunamanta willaykuna internetpi yallichinakukta rikunakan alliyachashka willaykuna kachun, pikunatak llukchinakun shinallatak mushuk willaykuna kachun rikuna kan
Tierrapura pankami llukchirka Canadápi Covid-19 unkuyta hampina ukukunaka 2020 watapi chushak karka shinallatak kunanka hunyami kan nishpa. Ecuador Chequea chay willaymanta maskarka shinallatak Universal willachik pankapi chay willayllata llukchishka shinapash mana ashtawan willaykuna taririrkachu. Chay willayka llullami kan. Víctor Álvarez, Pichinchamanta hampikkunapa pushakka Ecuadorpi 90% runakuna hampina ukukunapi kakkunaka mana vacunarishka kan nirka Ecuador Chequeaman “shinami karu mamallaktakunapipash”.
“Canadámanta nishkaka llullami kan. Vacunashpa katikukpi ashalla mana vacunarishkakuna tiyan”, nin Andrea Ayora.
Ayora nirkamin vacunakunaka 100% mana unkunata harkanchu, ama yapata unkunkapak yanapan. Wakinkunalla llakipi, wañunapash kan.
CDC Estados Unidosmanta shuk llamkaywillaypika 100% unkushkakunamantaka, 95 mana vacunarishkakuna kan shinallatak 5% vacunarishkakuna kan, nirka hampik Enrique Terán
Covid-19 unkuypak vacunakunamanta alliyachashka willaykunata charichun mutsurishka kan.
