Carlos Luis Morales, Guayas markapa pushak, deportista, willachikpash karka,shinapash huchachishka «tráfico de influencias» llamkaykunata paypa riksikunatalla kushkamanta. Chaymanta, payman shinallatak shukkunamanpash huchachishka. 24 wayru killapi shimikillparinakunata, Covid-19pa pruebastapash yapa kullkipa rantishkamanta nishpami huchachirka. Shinallatak shuk contrato 90 waranka dólarespa shuk taripayta rurachunpash.
Chay contratoka shuk kari 76 watayuk, Chongonpi (Guayaquil) kawsakmi hapishka. Ishkay puncha kipama Prefectura ukutami Fiscalía taripankapak yaykurka. 1 puncha, Raymi killapika Social Cristiano (PSC) shinallatak Madera de Guerrero partidokunanmi mañarka llukshichun mana kashpaka willachichun. 2 raymi killapika, Carlos Luis Morales shuk huchachiy churarka Fiscalíapi, shinatak taripayta rurachun mañarka, huchachishkakunaka paypa warmipa ishkay churikuna karka.
3 Chillay puncha, raymi killapi, Guayas markapa pushak wasipimi Fiscalia maskarka, shinapash mana imatapash tarirkachu. Shuk sayllakuna kipaka taripayta rurankapak paytaka Fiscalia General del Estado (FGE) shinallatak Policia Nacional (PN) wicharka. Shinallatak shuk grillete electrónico churakuchunmi mañarka taripapuk (juez) Alfonso Ordeñana, shinami 4 raymi killapi kacharirka. 5 raymi killapika, kitikunapa pushakkuna prefuntaramanta llukshichunmi mañanakurka.
Pablo Encalada, abogadoka, Carlos Luis Morales chay huchachikunataka tukuchinmi, nin. “Mana huchayuk kashpallatak wañurka, mana imatapash tarishkachu chaymanta mana wanachishka”. Shinapash, paypa willaykunata rikuyta usharinmi: pikunawan tantanakushka, ima pankakuna tiyan. “shuk runakunapash huchachiyta charikpika, Fiscalia katinami. – kay 90 punchakunapi- shukkunaman huchachiyta ushanmi, shinapash wañushkataka mana”. Chay huchachimantaka imatakshi tukunka. Fiscalía katichina kanka.
