24 raymi killapi, shuk rikchata El triunfo Instagram panakapimi llukchirka. Chay willaypika nin “mushuk covid-19 tarishka, p5 shutiwan”. Chayka shinami kan.
Chay rikchaka El comercio unanchamanta hapishka. Ecuador chequea maskarka wakin pankakunapi chay kallariy willayka 24 raymi killapimi El comercio willay panka lluchishka.
Chay willay pankapi ninmi Rio de Janeiropu shuk mushuk covid unkuyta tarishka. Shinallatak chay mamallaktamanta hampina kamaywasika chay unkuymanta manarak nita ushanchu wañuchinchu, ashtawan ñapash unkuyta yallichinchu, chaykunata manarak nita usharinchu, nirka.
El Tiempo willachiy panka, Colombia Mamallaktamantapash nirka P5 shutimi kan, shinallatak Rio de Janeiro 25 unkushkakunata tarishka.
Chay willachiy pankallatak nirka chay mushuk unkuyka Red Corona-Omica-RJ shutiwan riksirin, chay kamaywasimi taripayta ruran.
El Telegrafo willachiy pankapash shuk willayta llukchirka, carioca mamallaktamanta hampina wasimantaka “covid-19 unkuypak vacunata churashpa katichun shinallatak ishkay niki vacunatapash runakuna chaskichun”, nirka. Chaywanllami paktachita usharinka. Taripaykunaka nin Brasilpi tiashka vacunakunaka mushuk unkuypakpash allimi kan kunankama”, nirka.
