Kanchis wawakunami Catarman rirka chayka “hincha de mi barrio” ruraymantami karka
Guillermo lassoka wawakuna árabe llaktaman rishkamanta willachirka shinalaltak Alfredo Borreropash chaypi kan.
Twitter pankapika mamallaktapa katik pushak, Alfredo Borreroka kay watapa rumpa pukllaykunaman Qatarman rirka, shinapash Guillermo Lasssoka wawakunaman chay mamallaktaman rikchun mana yanaparkachu nin. Chay willayka llullami kan. Kanchis wawakunata árabe llaktaman rirkami, chayka “hincha de mi barrio”ruraykunamantami karka.
5 wayru killapi Lasso pushakka “hincha de mi barrio”ruraymanta wakin wawakunaman Catarman kachankapak nirka. “Maykankuna ashtawan alli kakkunaman “hincha de mi barrio”, wawakuna, wamprakuna, kuytsakunamanpash pushakrinchikmi Catarpi rumpa pukllay mishaykunata rikunkapak”, Lasso nirka.
Chaypika, 8 sasi killapi Catar kallari ruraypakka mana rikrinchu nirka, ashtawanka mamallaktapi llakikuna tiyakpi. Chaymantami, katik pushak Borreroman minkarka.
Borreroka 18 sasi killapi Catarman chayarka shinallatak kallari rumpa pukllaypak karka, chaypimi Ecuadormanta pukllakkunaka 2-0 misharka. Mamallaktapa katik pushakka, paypa pankapi rikchakunta churarkami, wakin pukllakunawan shinallatak Gustavo Alfaro pushakwanpash rikchapi llukshirka.
Kanchis wawakuna “hincha de mi barrio” ruraykunamanta Guayaquil kitimanta Catarman rirkakuna. Mamallaktapa pushakmi aparka rumpa pukllay mishaykunapi kachun shinallatak mamallaktapa katik pushak Borrero, Sebastian Palaciospash chaypi kan.
