1 aymuray killamantami, Facebookpi yallichinaun shuk killkashkata MIES kamaywasi kachashka nishpa. Shinallatak shuk link chaypi rikunkapak Bonota chaskinkapak ari nishka kanchu. Chay willayka llullami kan. Chay link mana MIES pankaman apanchu, shinallatak chay willayka mana MIES churashka kanchu.
Chay facebookpi churashkaka 8.700 runakunami rikushka shinallatak 92 runakunapash yallichishka. Rikchata maskarkanchik, shinapash mana MIESmanta shina rikchata llukchishkachu. Chay link facebookpi churashkaka tramites ecuadorlegalonline.com pankamanmi apan. Tukuri pankapika shuk rikcha rikurin killkarinkapak nishpa, chaymanta shuk pankaman apan.
Ecuador Chequea MIESwan rimarka chay willay facebookpi yallichinakukpi, chayka llullami kan nirka. Chayta willachinkapakka wakin nishkakutana katin nirka “MIESmanta kayachinkapak tiyan, shinallatak imatapash tapunkapak, rikunkapakka www.inclusion.gob.ec pankaman yaykuna, shinallatak kayachita ushanmi 1800 0002 0002 yupayman”nirka Alexandra Cajas, MIESpi llamkak.
MIESmantaka willachirka shinallatak mañarka paykunapa pankapi ima willaykunatapash rikuna shinallatak paykunaka mana redes socialespi kikinpa willaykunata mana mañanchu, nirka.
