7 raymi killamanta PolitilifeEcu pankapi shuk rikchata llukchirka nishpa “yapa kullkipa rantishkakuna tiyakpimi huchachishka kan”, chaypillatak nikun Carlos Ricaurte chay hatunyachanawasimanta yachachik, Washington Llamuca kamachikpash chunka patsakri kullki mañaykuna tiyakpimi huchachishka, 50 shinallatak 130 dólar kullki. Chay huchachi tiyanmi shinapash mana shinapacha kanchu.
Byron Vaca, Espochpa pushakmanmi huchachishka kan, paymi hatunyachanawasipa llamkakkunaman chunka patsakri kullkita mañan nishpa. Chay willachika BN Periodismo pankami llukchirka.
BN Periodismo willayka 5 raymi killapimi llukshirka shinallatak Espochmanta shuk yachachik (fila 634), Carlos Benjamín Ricaurte Yépez, Fiscaliapi chay huchachita churarka.
Hatunyachanawasipa pushak (Byron Vaca) kullkikamak ukuta mañan 80 llamkakunaman 2% llamkashka kullkita anchuchichun, chayta katina killkikamak uku”, shinami nirka Ricaurte.
Espochpa pushak, Vaca shuk taripaymi kan nirka. Shinallatak willachirka chay kullkimantaka munashkakunalla kuna karka.
Chimborazomanta willachiy tantanakuykunapash chayta willachirka El Espectador Chimborazo panka llukchirka, chaytami BN Periodusmo 5 raymi killapi llukchirka: “Espoch patsakri kullkita mañaymanta huchachishka”. Chay huchachishkaka Fiscaliapimi tiyakun.
