31 wayru killapi, Ecuador mamallaktamanta pushak, Conaie tantanakuywan tantanakurka, chaypimi mañarka punta mamallaktapa pushakkuna ama killan killan kullkita chaskishpa katichun, shinapash mana imapi sakirirkachu. Kayka mana kunanlla mañay kashkachu. 24 sitwa killapi «el Quito Poder Somos» tantanakuypash Asamblea Nacionalman Losep kamachita mushukyachichun kimirirka, shinallatak mamallaktapak punta pushakkuna, punta katik pushakpash ama kullkita chaskishpa katichunmi mañarka. Shinallatak, Art.136 chay hayñipillatak nin, wañukpika warmi, ayllu chay kullkita hapita ushan.
Mana warmi, kusa tiyakpika ushikuna chay kullkita chaskinkapak ushanmi. Lenín Moreno, killapi 5.072 kullkita hampin, pushak kashkamanta. Chayka Ecuadorpa punta pushakkuna 4200 kullkita hapin. Ministerio de Finanzas nin 26 punta pushakkuna kullkita chaskin, paykunaman kushpaka killapi 88.993,25, watapika 1.067.919 kan. 29 sasi killapi, Lenin Moreno payka mana tukuy kawsaykaman shina kullki chaskishpa katinkapak sakirirka. Chaymi 48.690 dolar kullki watapi kan.
Imashpatak wakinkuna ashtawan kullkita chaskin. Mana tukuy punta pushakkuna shinallatak kullkita chaskinchu. Rafael Correa pushak kashpami shuk decretota llukchirka «maykankuna mana runakuna akllashka kakpi, Congreso Nacional akllashka kakpika» asha kullkita chaskichun sakirka. Shina: 1. Ecuadorpa pushakta runakuna akllashka kakpi, shinallatak wata tukurinkakaman kashka kakpi $4226 chaskin.
Rodrigo Borja (akllashka watakunapak paktarka) Rafael Correa (akllashka watakunapak paktarka) Lucio Gutiérrez (Llukchishka) Oswaldo Hurtado (pushak tukurka Jaime Roldos wañukpi) María Mahuad (Jamil Mahuadpa ushi – llukchishka) Gustavo Noboa (Mahuadta llukchishpak pushak tukurka – paktarka) Alfredo Palacio (Gutiérrezta llukchikpi pushak tukurka – paktarka) María Pulley (Abdala Bucaram – llukchishka) Josefina Villalobos (sixto Durán Ballénpa warmi) 2.Katik pushakkuna runakuna akllashkakunamanta $4057 Rosalía Arteaga (akllashka watapak paktarka) Jorge Glass (mana tukuchirka) Carolina Egas (Jorge Zavalapa Warmi – wañushka) Violeta Garzozi (Alberto Dahik sobrina) Luis Parodi (punta katik pushak) Blasco Peñaherrera (Punta katik pushak) 3. 1990 ñawpa watakunapi wañushka pushakkunapa warmikunami $3804 hapin. Cruz María Massuh (León Febres Cordero pushakpa Warmi) Lucila Santos (Otto Arosemena Gómez punta pushakpa Warmi) 4. Pushakkunata Congreso shutichishkakuna $3200 chaskin. Fabián Alarcon 5.Punta pushakkuna Congreso shutichishkakuna, $2400 chaskin. Pedro Aguayo Eduardo Peña Pedro Pinto León Roldós Ana Cordero (Alejandro Serrano Aguilar punta pushakpa warmi). 6. Jaime Roldos, punta pushakpa churikuna $1268 kullkita chaskin, kimsa churikunamantaka $3804 chaskin. Shinallatak Febres Cordero warmipash chaytallatak chaskin. Roldós Bucaram Diana Roldós Bucaram Martha Roldós Bucaram Santiago Wakin pushakkunapa ayllukuna shinallatak chaskin. María Mahuad paypa taytamanta kullkita chaskin. Shinallatak, Rafael Correapa ñaña Pierina Correa.
Kaymantami Paola Pabón, punta asambleísta 23 wayru killapi, Asamblea Nacionalpi rimarka. Shinallatak shuk taripayta rurachun mañarka, chaykunamanta. Shinapash manarak imatapash rurashkakunachu.
