Tukuy Sudamerica llaktakunamantaka Ecuador yarkaymanta llakipi ishkaynikipi kan, FAO nin.
Sitwa killapi shuk llamkaypankapika mamallaktapika 15,4% ecuadormanta runakunami yarkaymanta llakipi kan nirka. FAO tantanakuy taripayta rurashkapika 18 hunu runakunamantaka 15,4%, 2,7 hunu runakunami yarkaymanta llakipi kan nirka.
Facebook pankapika Ecuadorpika, 15.4% runakunami yarkaymanta llakipi kan nin. Chayka tukuy suyumantaka ishkaynikipi kan, Venezuela washapi nin. Chay willayka shinami kan.
FAO taripaypika Ecuadormi America llaktakunamantaka ishkaynikipi kan. Venezuela washapimi kna, 22,9% runakuna yarkaymanta llakipi kan.
Latinoamerica llaktakunamantaka, Ecuadormi pichkay mamallaktakuna ashtawan yarkaymanta llakipi kakta rikurin. Suyukunamantaka Haitíka, 47,3% kan; katipika Venezuela, 22,9%; Nicaraguaka 18,6%; Guatemala 16%, shinallatak Ecuador 15,4% kan.
Uruguay shinallatak Chile yupaykunapi rikushpaka ashtawan alli kan, 2,5% shinallatak 2,6%, chay llamkaypankapillatak shina nikun.
FAO tantanakuyka Covid-19 unkuymi ashtawan yarkayta mirachishka nin. “2015 watapika mana yapa kashka, 2019 watapika 8%, 2021 watapi 9,8%”.
Chay yarkaymanta llakika wakunapimi rikurin irkilla tukukpi, tsalayakpi. Wiksayu warmikunaka anemia hapin nin.
