Kay mushuk unkuyka 49 mamallaktakunapi kan, shinapash pushakkunaka mana mancharinachu nin, mana ashtawan llakichik kanchu taripaykunaka nin.
Twitter pankapimi nikun BA.2 mushuk Ómicron unkuypak kan, shinallatak ashtawan ñapash unkuyta yallichik kan, shinapash mana yapa llakichinchu.
Chay rikchapika 1,5 ashtawan yallichik kan, shinami Dinamarcapi nin, shinapash mana ashtawan unkuchikta rikuchinchu. Chay willayka shinami kan.
Ómicron unkuymanta nishkaka Españamanta El País pankami llukchirka, chaytaka Dinamarcapi kallari taripaykunata rurashkamantami llukchishka.
21 kulla killapi 2022 watapi, OMS tantanakuyka Ómicron unkuymanta taripaykunatarak rurachunmi mañarka, ashtawanka Indiapi, Sudáfrica, Reino Unido shinallatak Dinamarka ashtawan unkushkakuna mirakpi.
Tukuy mamallaktakunapika, 99% covid-19 unkushkakuna Ómicronwan kan, shinami OMS nirka.
CNN Ómicron unkuymanta willachirkami BA.2 nishkamanta shinallatak 2021 watapi sasi killapimi tarirka. Chay punchamantami 49 mamallaktakunaman chayashka shinallatak yachayukkunaka Ómicronmanta mana mancharinachu nin.
Gran Bretañamanta Agencia de Seguridad shuk llamkaywillayta llukchirka chaypika vacunakuna BA.2 Ómicronpa unkuymantapash kamanmi nirka.
