Yachay Kamaywasipa pushakka Punasuyu – Antisuyu 7 pawkar killapi yachanawasiman yachakunkapak tikranamanta willachirkami shinallatak 3 aymuray killapi Kuntisuyu-Galapagospash tikrana.
Pawkar killamanta 2020 watapi, Ecuadorpi llaki unkuypacha kallarishkamantami, mana ima decreto panka tiyashkachu yachanawasipi yachakunkapak tikrachunka. Wakinkunaka tikrashka shinapash wakin yachanawasikunapika Mamallaktapa pushak arinishkamantami tikrarkakuna. Kunanka, 2022 wata kallarikukpimi imashinatak yachanawasipi yachakunkapak tikranka tapuykuna tiyarka. Chaymantami, Concertación Cívica Nacional pankapi llukchirka yachanawasipi yachakunkapak Ecuadorpika ñami tikranakun. Chay willayka shinami kan, Yachay Kamaywasi 1’294.936 yachakukkuna yachanawasipi yachakunkapak tikrana, kunanmi kallarirka shinallatak 10 panchi killakamanmi paktachinka.
“Yachaykunaka 7 raymi killapimi kallarirka, 2021 watapi. Asha asha katishkanchik, shina ayllukunapash arinishpa yachanawasiman kachachun. 30 kapak killakama, tukuri wata kakpi, 1.294.936 yachakukkunami yachanawasipi yachakushka. Wakin yachanawasikuna kay hunkaypak sakirinka chayrak kapak raymi samanapachata yallishka kakpi, shinapash 10 panchi killapi chay tukuykuna tikrana kan”, María Brown nirka.
(Min 27 Seg 32)
Brown nirkami “20 panchi killapi yachanawasikunapi yachakushpa katichun tukuykunapak mañana kan; wakinkuna mana PICE llamkayrurayta yachanawasiman tikrankapak mana charishpapash yachanawasiman rishpa yachakunakun”.
Yachay kamaywasi Ecuador Chequeaman shuk llamkayrurayta rikuchirka 30 kapak killapa, maypi rikuchin 10 panchi killapi 2022 watapi 31% yachakukuna yachaykunaman asha asha tikrana kan Punasuyu- Antisuyu 748.661 yachakukkuna, shinallatak Kuntisuyupash, 546.275 yachakukkuna kan.
Brown nirkami 30 kapak killakama 2021 watapa 42 yachakukkuna covid-19wan tiyarka.
Chay rikchaka Instagranmanta El Comerciomanta llukchishka 10 yuyaykunata yachana kanki yachanawasipi yachakunkapak tikrashpaka nishka willaypi, chaytallatakmi 2 panchi killapi llukchishka.
