Chay mamallaktamanta pushakkunaka hampimanta ruraykunata rikunakunmi. Chayka wicharinkapak shinallatak runakunata taripayta rurankapak kan.
China mamallaktaka aymuray killakama wicharirk, Shanghái, kullki kitika wicharishka ishkay killa covid-19 unkuymanta karka, pushakkunaka covid unkushkakuna ama tiyachunmi shina rurarka.
Twitter pankapi chay willayta llukchirka Chinamanta pushakkunaka 1.7 hunu Anhui markamanta runakunata wicharichun mañashka. Chay markapika 300 mushuk unkushkakuna rikurirka. Chay willayka shinami kan.
Swissinfo Suizamanta shinallatak El País Españamanta willachi tantanakuykuna Chinamanta willachirka. Kay awaki punchaka, Anhuipika 300 unkuskakuna rikurirka. Yallishka hunkaypika patsak patsak unkuskakuna karka.
Sixian shinallatak Lingbi llaktakuna, Anhui markamantaka 1.7 hunu runakuna wicharishka kakta nirka. Runakunaka covid-19 taripaykunata rurankapaklla llukshina kan.
Chinamanta Hampi kamaywasika 287 unkushkakuna chay markapi tarirka shinallatak, chaykunamantaka, 258 mana ima nanaykunata charinchu.
Pushakkunaka ama pipash unkuchunmi ruraykunata paktachinakun, shina ama llakipi kankapak.
Xi Jinping, Chinamanta pushakka shina ruraykunata mana paktachikpika wakinkuna wañunkami nishka. Shinallatak, kullkikamaypi imapash llakikuna yallita usharinkami shinapash unkuy mirarikpika ashtawan llaki runakunapak, nishka.
